ஸ்ரீ கிருஷ்ண ஜெயந்தி வாழ்த்துக்கள்!
ஸ்ரீ கிருஷ்ண ஜெயந்தி நல்வாழ்த்துக்கள்!
இடுகைகள்
பட்டர் முறுக்கு.
தேவையான பொருட்கள்: புழுங்கல் அரிசி-4கப். பொட்டுக்கடலை-2கப். பட்டர்-50கிராம். எள்-1மேஜைக்கரண்டி. ஓமம்-1மேஜைக்கரண்டி. பெருங்காயம்-1/2 மேஜைக்கரண்டி. மிளகாய் தூள்-1மேஜைக்கரண்டி. பூண்டு-6பல். எண்ணெய்-தேவையானஅளவு. உப்பு-தேவையானஅளவு. செய்முறை: புழுங்கல்அரிசியை நன்கு கழுவி 4மணி நேரம் ஊறவைக்கவும்.ஊறியபின்பு தண்ணீரை வடித்து விட்டு தோசைக்கு அரைப்பது போல் கிரைண்டரில் நைசாக அரைக்கவும்.அரைக்கும் போதே பூண்டு,உப்பு சேர்த்து அரைத்துக்கொள்ளவும். பொட்டுக்கடலையை மிக்ஸியில் நைசாக அரைத்து சலித்துக்கொள்ளவும்.அரைத்த அரிசி மாவு,பொட்டுக்கடலை மாவு,மிளகாய் தூள்,எள்,ஓமம்(நசிக்கிப்போடவும்) ஆகியவற்றை நன்றாக பிசைந்து கொள்ளவும்.வாணலியில் எண்ணெய் ஊற்றி, எண்ணெய் காய்ந்ததும்( மிதமாக தீயை வைக்கவும்)முறுக்கு அச்சில் மாவை வைத்து முறுக்கை பிழிந்தெடுக்கவும்.வாயில் போட்டவுடன் கரையும் மொறு மொறுப்பான சுவையான பட்டர் முறுக்கு தயார். நன்றி.
பாகற்காய் ப்ரை.
தேவையான பொருட்கள்: பாகற்காய்- 3சிறியது. மிளகாய் தூள்-1ஸ்பூன். மஞ்சள் தூள்-1ஸ்பூன். மைதா மாவு-4டேபிள் ஸ்பூன். சோள மாவு-2டேபிள் ஸ்பூன். பூண்டு- 6பல் தேங்காய் துருவல்--1/4மூடி. உப்பு-தேவையான அளவு. எண்ணெய்--தேவையான அளவு. செய்முறை: பாகற்காயை நீளவாக்கில் விரல் அளவிற்கு நறுக்கிக் கொள்ளவும்.அதனுடன்மிளகாய்பொடி,மஞ்சள்பொடி,சோளமாவு,மைதா மாவு,உப்புமற்றும் நசிக்கிய பூண்டைச் சேர்க்கவும்.இவை அணைத்தையும் நன்றாக பிசறிக்கொள்ளவும்.வாணலியில் எண்ணெய்யை சூடு செய்து அதில் பிசறிய பாகற்காயை கொஞ்சம்,கொஞ்சமாக போட்டு சிவக்க வந்ததும் பொரித்து எடுக்கவும்.கடைசியாக வாணலியில் சிறிதளவு எண்ணெய் விட்டு பொரித்த பாகற்காயுடன் தேங்காய் துருவளைப் போட்டு சிறிது நேரம் கிளறி இறக்கவும்.சுவையான பாகற்காய் ப்ரை தயார். நன்றி.